تعليم بعض الغرز المعتمدة في فن الكروشيه بطريقة مبسطة

1. تعليم بعض غرز الكروشيه

غرزة الفشيارة :

الاسم الانجليزى: popcorn 

الاختصار:pop

 غرزة الفشارة او ما يسمي بغرزة البوب كورن وهي عمل  عدد من الأعمدة بنفس المكان بس قفلهم  من فوق مع بعض من قمة اول عمود تم عمله  مع اخر عمود ولكن  من وراء لكى  تأخد شكل البالون وتظهر  منتفخه .

فكرة غرزة الفيشارة تعتمد على عمل  عدد من الغرز لها نفس الطول فى نفس المكان,ثم يتم إستخراج الإبرة من اللفه المتواجده فيها ووضعها فى أوّل غرزة من الغرز المكونه لغرزة الفيشارة, ثم إدخالها مرة اخرى فى اللفه الاصليه لها وسحبها من اول غرزة , ثم لف الخيط على الإبرة مره أخرى وسحبها من خلال اللفة اللى على الإبرة وتنتهى غرزة الفيشارة ,

ويكون طول غرزة الفيشارة على حسب نوع الغرزة المكونه لها فإن كانت تتكون من غرزة العمود إذن فطولها يعادل ثلاث سلاسل وهكذا,
وغرزة الفيشاره  لها أنواع تعتمد على,
أولا نوع الغرز المكونه لها سواء العمود أو النصف عمود أو العمود الثنائى
تانيا عدد الغرز المكونه لها فقد يكون ثلاثه او أربعه أو خمسه........إلخ
ثالثا مكان دخول الإبره لعمل الغرز المكونه لها فقد يكون فى نفس الغرزة أو فى نفس الفراغ
رابعا كذلك تختلف بإختلاف دخول الإبرة للإنتهاء من الغرزة فقد تكون غرزة فيشارة داخلية او خارجية,

1-غرزة فيشارة مكونه من 5غرز نصف عمود فى نفس الغرزة:-

الرمز فى الباترون:

الشكل وسط الباترون: 

1-عمل 5غرز نصف عمود فى ثالث سلسلة (بمعنى عملهم  كلهم فى نفس السلسلة)

بعد مانخلص عمل  5 غرز نصف عمود هنخرج الإبرة من اللفه اللى موجوده فيها وندخلها فى أول غرزة نصف عمود عملناها من الأمام إلى الخلف(غرزة فيشارة أمامية اى تبرز فى وجه العمل,

2- ثم ندخل الإبرة مرة أخرى فى اللفه التى  كانت فيها من  الأول ونسحبها من خلال أول غرزة نصف عمود ,  وبين أول فيشاره وتانى فيشارة بمقدار 3 سلاسل هنتركهم ونعمل  ثانى  فيشارة فى سابع سلسلة.

 2-غرزة فيشارة مكونه من 5 غرز عمود فى نفس الغرزة

رمز العرزة:

شكل الغرزة فى الباترون:

وتكون هذه الغرزة أكبر ومنتفخه أكثر من غرزة الفيشاره ذات النصف عمود
وطريقة عملها نفس طريقة عمل غرزة الفيشارة المكونه من 5 غرز نصف عمود فى نفس الغرزة ولكن بدل النصف عمود هنعمل عمود

 3-غرزة فيشارة مكونه من 5 غرز عمود ثلاثية فى نفس الغرزة
الرمز فى الباترون :

الشكل فى الباترون:

وهذه الغرزة تكون أكبر ومنتفخه أكثر من الفيشارة ذات النصف عمود والفيشاره ذات العمود
وطريقة عملها نفس طريقة عمل الغرز السابقة مع استبدال الغرز بغرز عمود ثلاثية

4- غرزة الفيشارة المكونه من 5 غرز عمود فى نفس الفراغ
رمز الغرزة :

الشكل فى الباترون:

 والمقصود فى نفس الفراغ أى فى الفراغات الموجوده بين الغرز وليس فى الغرزة,
وطريقة عملها نفس طريقة عمل غرزة الفيشارة المكونه من 5 غرز عمود فى نفس الغرزة ولكن بدلا من عمل  غرز العمود فالغرزة هنعملهم فى الفراغ.

  
 5- غرزة فيشارة خارجية (Popcorn_out)

وفيها تكون غرزة الفيشاره بارزة من وجه العمل: 

ويتم عملها  كالتالى بعد عمل عدد الغرز المطلوب عملها وبعد إخراج الإبرة من اللفه المتواجده فيها يتم إدخال الإبرة فى أول غرزة من الأمام إلى الخلف ثم إدخاله فى اللفه التى تم إخراجها منها سابقا وسحبها من أول غرزة لتتكون غرزة الفيشارة

 6-غرزة فيشارة داخليه (popcorn_in)

وفيه تكون غرزة الفيشارة بارزة من خلف العمل:

وبنشتغلها كالتالى بعد عمل عدد الغرز المطلوب عملها وبعد إخراج الإبرة من اللفه المتواجده فيها يتم إدخال الإبرة فى أول غرزة من الخلف إلى الأمام ثم إدخاله فى اللفه التى تم إخراجها منها سابقا وسحبها من أول غرزة لتتكون غرزة الفيشارة

 ثانيا غرزة العنقود (الحمصة )
الإسم بالانجليزية :cluster stitch
الإختصار: cl

فكرة عمل غرزة العنقود تعتمد على عمل عدد من غرزة العمود أو العمود الثلاثى (الغير كامله بمعنى أننا هنترك أخر لفه من غرزة العمود على الصناره) فى نفس المكان ثم نلف الخيط على الإبرة ونسحبها من خلال جميع اللفات الموجوده على الإبرة 

ويكون طول غرزة العنقود على حسب الغرزة المكونه لها فإذا كانت تتكون من غرزة العمود فطولها يعادل 3 سلاسل وهكذا

-غرزة العنقود ليست منتفخه وليس لها بروز زى الفيشارة والمنتفخه

-وغرزة العنقود أنواع تعتمد على عدة أنواع :-

*نوع الغرز المكونه لها سواء العمود او العمود الثلاثى
*عدد الغرز المكونه لها (2،3،5)غرز
*مكان دخول الإبره لعمل الغرز المكونه لها فقد يكون فى نفس الغرزة او فى نفس الفراغ

1-غرزة عنقود مكونه من 3 غرز عمود فى نفس الغرزة
الرمز فى الباترون:

الشكل فى الباترون:

1- هنلف الخيط حول الإبرة وندخل الإبرة فى الغرزة المراد عمل العنقود بها ثم نلف الخيط حول الإبرة ونسحبها خارج الغرزة (هنلاحظ تكون 3 لفات على الإبرة)هنلف الخيط حول الإبرة ونسحبها من خلال أول لفتين موجودين على الإبرة (يبقى  لفتين على الإبرة والمفروض عند إستكمال غرزة العمود بنلف لفه حول الابرة ونسحبهم منة خلال اللفتين المتبقين على الابرة لكى نحصل على غرزة عمود كامله ولكننا هنا لا نعمل الخطوه هذه وهنتوقف عند المرحله السابقه وهيا وجود لفتين على الإبرة)

2- هنكرر الخطوه السابقه مرتين كمان فى نفس الغرزة(بمعنى  هنعمل 3 غرز عمود غير كاملين فى نفس الغرزة)

3-هنلاحظ تكوين 4 لفات على الإبرة (اللفه الاصليه+لفه لكل غرزة عمود غير كامله)
هنلف الخيط حول الإبرة ونسحبها من خلال جميع اللفات الموجوده على الإبرة وبكدا تكون إتكونت عندنا غرزة عنقود

4- لعمل غرزة العنقود التاليه يتم عمل غرزتين سلسلة كمسافه بين العنقود والأخرى(وهذه المسافه غير ثابته فتختلف من باترون الى خر )

 2-غرزة عنقود مكونه من 3غرز عمود فى نفس الفراغ
الرمز فى الباترون: 

الشكل فى الباترون :

طريقة عملها نفس طريقة عمل العنقود المكونه من 3 عمود فى نفس الغرزة ولكن بدلا من عمل غرز العمود فى نفس الغرزة يتم عملها  فى نفس الفراغ الموجود بين الغرز.
3-غرزة عنقود مكونه من 5 غرزة عمود فى نفس الغرزة
رمز الغرزة:

الشكل فى الباترون :

 طريقة العمل نفس طريقة عمل غرزة العنقود المكونه من 3عمود فى نفس الغرزة ولكن بدلا من عمل 3 عمود هنعمل 5 عمود فى نفس الغرزة
ملاحظة  وجود 6 لفات على الإبرة (اللفه الأصلية+5 لفات بتوع 5 غرز عمود).
4- غرزة عنقود مكونه من 5 عمود فى نفس الفراغ
الرمز فى الباترون:

الشكل فى الباترون : 

طريقة العمل  نفس طريقة عمل غرزة العنقود المكونه من 5 عمود فى نفس الغرزة ولكن بدلا من عمل غرز العمود فى الغرزة يتم عملها  فى الفراغ بين الغرز
5-غرزة عنقود مكونه من 5 غرز عمود ثلاثى فى نفس الغرزة
الرمز فى الباترون :

الشكل فى الباترون:

طريقة العمل  1- نفس طريقة عمل غرزة العنقود المكونه من 5عمود فى نفس الغرزة ولكن بدلا من عمل غرز عمود يتم عمل  غرز عمود ثلاثى فى نفس الغرزة

هنلف الخيط لفتين على الإبرة ثم ندخلها فى الغرزة المراد عمل العنقود فيها

2- ثم يتم لف  الخيط لفه حول الابرة ونسحبها خارج الغرزة هنلاحظ تكوين  أربع لفات على الإبرة يتم  لف لفة واحدة على الابره ونسحبها من خلال اول لفتين على الابره يبقى  ثلاث  لفات على الابره هنلف الخيط لفه حول الابرة ونسحبها من خلال اول لفتين على الابره هيتبقا عندنا لفتين على الابره وهنتوقف عند هذه الخطوه ومش هنكمل غرزة العمود الثلاثيه

3- نكرر الخطوه السابقة 4 مرات كمان هنلاحظ تكون 6 لفات على الإبرة (اللفه الاصليه+5 لفات بتوع الخمس غرز عمود الثلاثية)

هنلف لفه حول الإبرة ونسحبها من خلال جميع اللفات الموجوده على الإبرة

4- يتكون لدينا غرزة عنقودمكونه من 5 عمود ثلاثى فى نفس الغرزة 

6-غرزة عنقود مكونه من غرزتين عمود فى نفس الفراغ
رمز الغرزة فى الباترون:

الشكل فى الباترون : 

وطريقة العمل  نفس طريقة عمل العنقود المكون من 3عمود فى نفس الفراغ ولكن بدلا من عمل 3 غرز عمود هنعمل غرزتين فقط


ثالثا غرزة عقدة الحب
الاسم بالانجليزية : love knot stitch
الإختصار :IK
الرمز فى الباترون :

الشكل فى الباترون :

 اى عمل كروشيه يبتدى  بعمل عقدة البداية ثم عمل  غرزة سلسلة عادى

لدينا  لفه على الصنارة هنوسع اللفه دى بإستخدام الصنارة حتى نحصل على الطول المطلوب (والتوسيع ده احنا الى بنتحكم فيه يعنى بنوسع ونضيق على حسب عاوزين الغرز واسعه ولا ضيقه)

 نلف الخيط لفه حول الإبرة ونسحبها من خلال اللفه اللى على الصنارة(كأننا هنعمل غرزة سلسلة ) مع الإحتفاظ بالخيط الخلفى للسلسلة نفس طول اللفه التى تم تطوليها 

ملاحظة  أثناء العمل  نجعل الخيط الخلفى للسلسلة منفصل عن الخيطين اللى قدام

هندخل الإبرة تحت الخيط الخلفى للسلسلة ونلف الخيط حول الإبرة ونسحبها خارج الخيط الخلفى للسلسلة
 نلاحظ تكوين  لفتين على الصنارة
هنلف الخيط مره اخرى على الإبرة ونسحبها من خلال اللفتين الموجودين على الإبر

بذلك  تتكون لدينا  أول غرزة عقدة حب(وبتبقا سلسلة طويلة وفوقها مايشبه غرزة الحشو)

لعمل غرزة عقدة حب أخرى هنطول اللفه اللى على الإبرة ونكرر العمل السابق حتى نهاية السطر

 رابعا غرزة حرف (Y) 

غرزة Y shape stitch

إختصارها فى الباترون:  Y st

 الرمز فى الباترون :

الشكل فى الباترون :

فكرتها تعتمد  على عمل  غرزة عمود ثلاثى والتى تمثل  أول فرع من حرف Y ثم نشتغل غرزة سلسلة طايرة ثم عمل  غرزة عمود والتى تمثل الفرع الثانى لحرف Y

1-هنلف الخيط لفتين حول الابرة وندخل الابرة فى الغرزة المراد عمل حرف Y فيها

 2-نكمل خطوات غرزة العمود الثلاثى
3-ثم نشتغل غرزة سلسلة طايرة

4-نلف لفه حول الابرة ثم ندخلها فى منتصف جسم غرزة العمود الثلاثى 

5-نكمل خطوات غرزة العمود بذلك يتم عمل أول غرزة على شكل حرف Y

6- لعمل الغرزة التاليه نعدى  سلسلتين وندخل فى الثالثة وهكذا

 من الممكن عمل نفس الغرزة ولكن مقلوبه
تسمى غرزة حرف Y مقلوبه

وتعرف بالإنجليزية بإسم inverted Y shape stitch

الرمز فى الباترون :

الشكل فى الباترون :

1-نلف لفتين حول الابرة وندخلها فى الغرزة المراد عمل حرف Y المقلوب فيها

 2-نكمل خطوات غرزة العمود الثلاثى ولكن نتوقف عند المرحلة التى يكون عندنا 3 لفات على الابرة ثم هنلف لفه حول الابرة ونعدى  سلسلة وندخل فى السلسلة التاليه

3-عمل  غرزة العمود كالتالى هنلف لفه حول الابرة ونسحبها خارج الغرزة هنلاحظ وجود 5 لفات على الابرة
 هنلف لفه حول الابرة ونمررها من خلال أول لفتين على الابرة يبقى لدينا  أربع لفات على الإبرة

4- نلف لفه حول الابرة ونمررها من خلال أول لفتين على الابرة يبقى لدينا ثلاث لفات على الأبرة,
ثم نكمل خطوات غرزة العمود الثلاثى نلف لفة حول الابرة ونمررها من خلال أول لفتين على الابرة,يبقى لدينا لفتين على الأبرة, نلف لفه حول الابرة ونمررها من خلال اللفتين التى توجد على الابرة.

بذلك نكون إنتهينا من  أول غرزة حرف Y مقلوبه,
لعمل الغرزة التاليه نعمل  غرزتين سلسلة طايرين ثم نلف لفتين حول الابرة وندخلها فى الغرزة التالية ونكرر الخطوات السابقه